Chahan go duti
ଚାହାଁ ଗୋ ଦୂତୀ
Text
Ghoṣā
ଚାହାଁ ଗୋ ଦୂତୀ ଚାହାଁ ଗୋ ଦୂତୀ କଦମ୍ବ ମୂଳରେ ଶୋଭା ନବଘନ ମୂରତି
1
ଶିରେ ଶିଖଣ୍ଡୀ ଚୂଡ଼ା ମଲ୍ଲୀ ମାଳରେ ବେଢ଼ା ଯୁବତୀ ଜ୍ଞାନବୁଡ଼ା କୁଳ ମହତଛଡ଼ା ତ୍ରିଭଙ୍ଗୀ ଛନ୍ଦେ ଛିଡ଼ା ନୁହେଁ ନେତ୍ର ପିଛଡ଼ା ଦେଖି ତା ରୀତି
2
କର୍ଣ୍ଣେ ହେମ କୁଣ୍ଡଳ ଲୁଳଇ ଗଣ୍ଡସ୍ଥଳ ହୃଦରେ ବନମାଳ ନାସାରେ ମୋତିଫଳ ଆହା ସେ ନନ୍ଦବାଳ ଦିଶନ୍ତି କି ମଞ୍ଜୁଳ ନେତ୍ର ସମ୍ପତ୍ତି
3
ପୀତାମ୍ବର କାଛେଣି ଦିଶେ କି ଶୋଭା ପୁଣି କିଙ୍କିଣୀ କିଣିକିଣି ନାଦେ ନିଅଇ କିଣି ତା ନୂପୁର ବାଜେଣୀ କେଡ଼େ ମଧୁର ଧ୍ୱନି ହରଇ ଧୃତି
4
ଗୋରୋଚନା କସ୍ତୁରୀ ଚିତା ସିନ୍ଦୂର ଶିରୀ ଚନ୍ଦନପାଟି ହରି ନିଅଇ ଚିତ୍ତ ଶୀରି ବେଣୁଧର ସେ ହରି ପଦ୍ମପାଦେ ଜୁହାରି କରେ ବିନତି