Bichitra besa manjula re

ବିଚିତ୍ର ବେଶ ମଞ୍ଜୁଳା ରେ ବାଳା ବିବିଧ ଚାତୁରୀଶୀଳା ବିଭାବରୀ ଅର୍ଦ୍ଧେ ଏକାକୀ ଏକାକୀ ହୋଇ ରଚୁ ଫୁଲତୋଳା ବିଳାସ କୁଶଳାରେ ବଲ୍ଲୀ ନିଳୟ ବିହାର ଲୋଳା

ବାଳକାଳୁ ବାସ ପରି ରେ ବାଳା ବଞ୍ଚୁଥିଲୁଁ ଅନୁସରି ବିଲକ୍ଷଣ ବନ ବିହାର ଉତ୍ସବ ବେଳେ ଯା ଦେଲୁ ପାସୋରି ରେ ବିଚାର ତ ଗୋରୀରେ ବିଶ୍ଵେ କାହିଁକି ପ୍ରୀତି ଆଚରି

ବ୍ୟସ୍ତ ହୋଇ ଚିତ୍ରମାଛି ରେ ବାଳା ବ୍ରଣଗଣ ତ ଦିଶୁଛି ବିମ୍ବାଧରୁ ନବପଲ୍ଲବ ମାନଙ୍କୁ ବାଣ୍ଟିଲୁ କି କିଛି କିଛି ରେ ବିଶ୍ଳଥ ହୋଇଛିରେ ବାସ ପିନ୍ଧିଥାଉ ପରା କାଛି

ବଲ୍ଲୀକି ଅନାଇ ଦୂରୁ ରେ ବାଳା ବାସରେ ତ ଭୟ କରୁ ବ୍ରଜେ ଆଜ ଶୁଣି ଆସିଲୁ ତୁ ପୁଣି ପ୍ରତି ରାତି ଆସି ଘରୁ ରେ ବିଜନେ ସଞ୍ଚରୁ ରେ ବଡ଼ ବିଷମ ଏ ଯା ନ ଡରୁ

ବିନୟନୟ ବସତି ରେ ବାଳା ବିମୋହନ କଳାବତୀ ବିରୂପାକ୍ଷ ଦେବ ବିପକ୍ଷକୁ ଜିଣି ଯଶେ ମଣ୍ଡିଲୁ କି କ୍ଷିତି ରେ ବଲ୍ଲବ ଯୁବତୀ ରେ ବନ୍ଦେ ଅଷ୍ଟଦୁର୍ଗ ଧରାପତି