Sate ki bhangi kala
ସତେ କି ଭଙ୍ଗୀ କଲା
Text
Ghoṣā
ସତେ କି ଭଙ୍ଗୀ କଲା ସେ ଯା ବାଙ୍କେ ଚାହିଁଲା ମନମୋହନିଆ ନବଘନ ଛଇଳା
1
କି କହିବି ମିତଣୀ ଗଲି ମୁଁ ନୀର ଆଣି ସେ ଶ୍ୟାମ ବେଣୁପାଣି ହୋଇ ତ୍ରିଭଙ୍ଗୀ ଠାଣି ତା କଟାକ୍ଷ ଚାହାଣୀ କାମ କଟାରୀ ଆଣି ମର୍ମ୍ମେ ମାଇଲା
2
ସେ କେଡ଼େ କଉତୁକୀ ଅଟନ୍ତି କି ରେ ସଖି ଇଚ୍ଛାରେ ତାଙ୍କୁଟି କି ଚିତ୍ତକୁ ଦେଲି ବିକି ବାଙ୍କଚୂଳକୁ ଦେଖି ଏ ମୋର ବେନି ଆଖି ଲାଖି ରହିଲା
3
ମୋ ନାମ ଧରି ହରି ବାଇହେଲେ ବାଂଶରୀ ଦମ୍ଭ ଧଇର୍ଯ୍ୟ ସାରି ବସିଲେ ସହଚରୀ ପାମର ହରଅରି ତାପରେ ହେଲି ଘାରି କି ମନ୍ତ୍ର କଲା
4
ଆହା ସେ ଶ୍ୟାମ ମୂର୍ତ୍ତି ଦେଖି କେଉଁ ଯୁବତୀ ହେଲେ ପତିବରତୀ ନ ଭୁଲିବ କେ ଦୂତୀ ବେଣୁଧର ବଦତି ସେ ମୋହନ ମୂରତି ମୂର୍ଚ୍ଛି ନୋହିଲା