Pheri ja gale go
ଫେରି ଯା ଗଲେ ଗୋ
Text
Ghoṣā
ଫେରି ଯା ଗଲେ ଗୋ ସଖି ଫାଟିଲା ମୋ କରମ ଜାଣିଲି ଭଲେ
1
ଫୁଟିଲା ଫୁଲବାସେ ପୂରନ୍ତା କ୍ଷିତି ଫତୁରୀ ଶୁଣି କିମ୍ପା କଲି ଏ ରୀତି
2
ଫରୁଆ ଗର୍ଭୁଁ ଫେଇ ନିର୍ଦ୍ଦୋଷ ମଣି ଫିଙ୍ଗି ଯା ଦେଲି ରୋଷେ ସଦୋଷ ମଣି
3
ଫୁଲିଗଲି ମୁଁ ଚାଟୁ ଶୁଣି ମଦରେ ଫୁଲ ଲଲାମ ମର୍ଦ୍ଦିଦେଲି ପାଦରେ
4
ଫୁଲ ପଙ୍କଜ ମୃଦୁ ସୁନ୍ଦର ପାଦ ଫାଟୁ ଯେ ଥିବ ଲଭି ସଞ୍ଚାର ଖେଦ
5
ଫନ୍ଦା ଧବ ଯେ ଫିଙ୍ଗିଦେଲି ପାଣିକି ଫୁରୁଣା ହେବି କାହା ଘେନି ଏଣିକି
6
ଫେଇ ଦିଅନ୍ତୁ କଣ୍ଠୁ ଏ ମଣିହାର ଫନ୍ଦାଇ ପାରିବ କି କବିମିହିର