Ana go duti syama murati thare

ଅନା ଗୋ ଦୂତୀ ଶ୍ୟାମ ମୂରତି ଥରେ ଦେଖି କେ ଘାରି ନୋହିବ ମନମଥରେ

ଶିରେ ଶିଖଣ୍ଡ ଚୂଡ଼ା ମଲ୍ଲୀ ମାଳରେ ବେଢ଼ା ଯୁବତୀ ଜ୍ଞାନବୁଡ଼ା କୁଳ ମହତ ଛଡ଼ା ତ୍ରିଭଙ୍ଗ ଛନ୍ଦେ ଛିଡ଼ା ନୁହେଁ ନେତ୍ର ପିଛୁଡ଼ା ଦେଖି ତା ରୀତି

ହେଲେ ପତିବରତୀ ରଖିବ ନିକି ଧୃତି ମୁରଲୀ ଶୁଣି ଶ୍ରୁତି ତାରେ ଇଚ୍ଛିବ ରତି ଶ୍ୟାମବନ୍ଧୁ ପୀରତି ବିନାରେ କି ବରତି ପାରିବ ଥରେ

କେଳି ପାଦପ ନୀପମୂଳେ ଶ୍ୟାମଳ ରୂପ ଦର୍ଶନେ ସତୀ ଦର୍ପ ଭାଙ୍ଗିଯିବ କନ୍ଦର୍ପ ବାଣରେ ନିଶ୍ଚେ ଅପଘନ କରିବ ଅର୍ପଣ ସେ ସ୍ୱାର୍ଥରେ

ତ୍ରିଭଙ୍ଗ ଉଭା ଶୋଭା ଦେଖି କେ ଅବା ଲୋଭା ନୋହିବ ତା ପ୍ରତିଭା ରଖିଦେବକି ଯୁବା କୁଳବତୀ ବଲ୍ଲଭା ଆନ କରିବ ଜବା -ଧରୀ ବ୍ରତରେ

ଚିନ୍ତି ସେ ବେଣୁଧର ପୟର ବେଣୁଧର କବି ରଜନୀକର କହେ ସଜନୀ କର ଧରି କିଶୋରୀ ସାର ମଣି ଚିନ୍ତାମଣିର ପ୍ରେମ ରତରେ